Биыл Қазақстанда қандай көліктер ең көп сатылды?
Биыл қазанда Қазақстанда 9 870 жаңа жеңіл көлік, 865 коммерциялық көлік сатылды. Бұл былтырмен салыстырғанда 4,9%-ға көп, деп хабарлайды Ulysmedia.kz.
Қазақстанның автобизнес қауымдастығының мәліметінше, 2022 жылғы 10 айда елде 97 737 көлік сатылса, 2021 жылы 96 848 көлік сатылған.
Chevrolet 8 ай қатарынан көш бастап тұр: 3 137 көлік. Кейінгі орында Hyundai мен Kia автомобильдері.
Chery көліктері қазанда алғаш рет үздік төрттіктен көрінді: 670 бірлік. Одан әрі тізімде: Toyota, Exeed, Lada, JAC, Lexus және Haval. Қазанның қорытындысы бойынша ең көп сатылған көліктер:
- Chevrolet Cobalt – 2 193 бірлік;
- Hyundai Tucson – 976;
- Chevrolet Nexia – 729;
- Kia Ceed – 484;
- Toyota Land Cruiser Prado – 416;
- Chery Tiggo 7 Pro – 376;
- Kia Sportage – 264;
- Hyundai Accent – 264;
- Hyundai Elantra – 243;
- Kia K5 – 227.
Биыл 10 айдың қорытындысы бойынша Chevrolet көшбасында тұр: 27 622 бірлік, екінші орында Hyundai – 22 435 бірлік, үшінші орында Kia – 11 135 бірлік.
2022 жылы ең көп сатылған үздік 10 көліктің қатарына Toyota, Lada, Chery, JAC, Lexus, Renault және Exeed енді.
