Батыс елдерімен қарым-қатынасын үзіп, санкцияға ұшыраған Ресейде жеңіл машина шығаратын ірі өндірушілерден АВТОВАЗ бен Haval ғана жұмысын жалғастырып жатыр, - деп хабарлайды Alashainasy.kz тілшісі Кolesa.kz-ке сілтеме жасап.
Зауыттың бір бөлігі Қытай моделі негізінде көлік шығаруға бет бұрды, мысалы, бұрынғы Renault зауытында JAC топтамасына негізделген кеңестік «Москвич» қайта жаңғырды.
Бос қалған нарық Қытай көліктерімен толыға бастады, АВТОВАЗ бұған қатты алаңдап отыр. Компания басшысы Максим Соколов елге кіретін жеңіл машинаға салық мөлшерін көтеруді ұсынды. Мұнда ол утиль алымы туралы айтып отыр.
«Коммерсант» басылымы хабарлағандай, Соколов АВТОВАЗ 2026 жылға дейін жаңа өнім шығаруға 60 млрд рубль бөлетінін айтты. «Бос қалған зауыттарға локализация деңгейі төмен автомобиль құрастыруға келіскен Қытай брендтері келіп жатыр, оларға кей жағдайда 2 млн рубль көлемінде мемлекеттік қолдау көрсету жоспарланған, олар біз көп ақша салып шығарған өнімімізді сататын нарықты жаулап жатыр», — дейді Соколов.
АВТОВАЗ өзі де осындай стратегиямен жұмыс істеп жатыр. Мысалы, жоспар бойынша компанияның басқаруына берілген бұрынғы Nissan зауытында Lada маркасымен Қытай көлігін шығады. Топ-менеджер бұл қадамға «аталған өндіріс орнын бәсекелестері алмауы үшін» барғанын айтады.