Әзіл-шыны аралас

Зауыттың ішіндегі ағаш шеберханасының бір жұмысшысы күнде жұмыстан қайтар кезінде бір шелек ағаш ұнтағын (опилка) алып қайтады екен. Бір күні жұмыстан құр қол қайтып бара жатса, қарауыл кісі:«Немене, ағаш ұнтағы таусылды ма?» – деп сұрапты қуланып.
Сонда әлгі жұмысшы: «Жоқ, ұнтақ әлі көп қой, бірақ шелек таусылып қалды» деген екен.

 * * *

Ауыл әкімдігінде жиналыс өткелі жатыр. Күн тәртібінде екі мәселе қаралатын болыпты:
1. Қора-қопсыларды жөндеу;
2. 50 мемлекеттің қатарына қосылу.
Бір кезде мінберге ауыл әкімі шығады:
– Жолдастар, әзірге қора-қопсыны жөндеуге тақтай мен кірпішке ақша бөлінбей тұр. Сондықтан да бірден екінші мәселеге көшейік...