Әзіл-шыны аралас

– Мен әйеліммен дұрыстап әңгімелеспегелі жарты жылдай боп қалды.
– Қалайша?
– Оның сөзін бөлгім келмейді.
***
Шенеуніктерге кеңес:
1. Ойлама.
2. Ойласаң, айтпа.
3. Ойлап әрі айтатын болсаң, жазба.
4. Егер ойлап, айтып және жазатын болсаң, қол қойма.
5. Егер ойлап, айтып, жазып және қол қоятын болсаң – өз обалың өзіңе!
***
Бір мекеме басшысы хатшы қызды жұмыстан шығаруға шешім қабылдайды да, оны қалай сыпайы жеткізерін білмей:
– Сіз өзіңізге жүктелген тапсырмаларды мүлтіксіз орын­дай­тын білікті кадрсыз. Сіз болмасаңыз біз қалай жұмыс істер едік?! Де­ген­мен ертеңнен бастап сізсіз жұмыс істеп көруге талпыныс жа­са­йық деп отырмыз.
***
Жасы 20-дан асқан баласына анасы:
– Үйленсеңші!
– Әлі жаспын, оқуымды бітірейін...
Баласы 30-дан асқанда:
– Балам-ау, қашан үйленесің?
– Кандидаттығымды қорғап алайын...
Баласы 50-ге келгенде анасы ескі әуенге басып:
– Осылай соқа басыңды сорайтып жүре бермексің бе?
– Неменеге тықақтап сұрай бересің осы?
– Жай, әңгіме болсын дегенім ғой...