Жер сілкінісі салдарынан Түркияның 10 ауданында үш айға төтенше жағдай режимі енгізілді
Түркия президенті Режеп Тайып Ердоған жер сілкінісінен зардап шеккен елдің он провинциясында төтенше жағдай режимін енгізді.
«Біз жер сілкінісінен зардап шеккен аймақтарды ТЖ аймағы деп жариялаймыз. Осы 10 провинцияда үш айға төтенше жағдай режимін енгізу туралы шешім қабылданды», - деді ол түрік телеарналарының эфирінде.
Сейсмологтар 6 ақпанға қараған түні 7,7 балдық жер сілкінісін тіркеді. Ол Сирия шекарасына жақын орналасқан Түркияның Газиантеп қаласының маңында пайда болды. Осыдан кейін бірнеше ондаған жер сілкінісі болды. Күндіз тағы 7,6 баллдық жер сілкінісі болды.
Еліміздің шұғыл қызметтері жоғары дайындық режиміне ауыстырылды. Қазір жергілікті жерлерде 12 мыңнан астам адамнан тұратын құтқару топтары жұмыс істейді.
Соңғы мәліметтер бойынша, жер сілкінісінен зардап шеккендердің саны 3549-ға дейін өсті, жараланғандар саны 20 534-ке жетті.
Елде жалпыұлттық аза тұту жарияланды, ол 12 ақпанға дейін жалғасады.
