Жаңа аппараттың жаңалығы көп

Қарағанды облыстық клиникалық ауруханасында жаңадан диализдік зал ашылып, бүйрегі ауыратын науқастарға арналған жаңа 10 аппарат сатып алынған болатын.
Шведтік Gambro аппаратының ерекше­лігі аз емес. Онда барлық аппарат бір ақ­па­раттық жүйе арқылы біріктіріледі. Со­ны­мен бірге дәрігердің кез келген аппаратқа нұс­қаулықты компьютер арқылы қоюға мүм­кіндігі бар.
Сондай-ақ бұл аппараттың диализ ке­зінде қан қысымын, жүрек соғысының жиі­лі­гін, гемоглобиннің деңгейін және өз­ге де науқасқа қажетті өмірлік маңызы бар көр­сеткіштерді өлшеп отыратын модуль­де­рі бар. Егер де емделушінің ағзасында қан­дай да бір өзгеріс болса, аппарат дереу тір­кеп, компьютерге жіберіп отырады. Ап­па­рат­тың тағы бір артықшы­лығы – ем­де­лу­ші­нің жеке картасын құрас­тыруға мүм­кін­дік беретін­дігінде. Оны дәрігерлер чип деп атайды. Бұл кәдімгі пластик карта се­кіл­ді. Сон­да нау­қас туралы барлық мәлі­мет енгі­зіледі.
Дәрігерлердің айтуынша, бұл өте ың­ғайлы. Кез келген басқа қалада болған жағ­дайда науқас сол картасын ұсынып, ге­мо­диализ өте алады. Гемодиализ құ­рыл­ғысы бес жыл сайын жаңарып отыра­ды. Биыл бұл аппаратты аурухана 50 млн теңгеге сатып алған.
Салтанат САРИЕВА, облыстық клиникалық аурухананың дәрігер-нефрологы:
– Бізде 15 жылдан астам уақыт жасан­ды бүйрекпен өмір сүріп келе жатқан нау­қас­тар да бар. Қандай да бір ауруға қарсы тұруда олардың бүйректерінің шамасы кел­мейді де, бүйректің созылмалы жетіс­пеу­шілігі пайда болады. Сондықтан олар үнемі гемодиализден өтіп отыруы тиіс. Бү­гінгі таңда облыста мұндай науқастар саны – 231.