Кейбір азаматтар кей кезде шалыс қимылдап қылмыстық әрекеттерге барады да, оқыс оқиғаларға ұрынып жатады. Алайда, бәріміз де заң алдында жауап беруіміз керек. Талай «құқық бұзушылықтар» соттың жағдайға қарап, кешірім жасап кеңшілік танытуы арқасында темір тордың арғы жағына жөнелтілмей, ел ішінде қалып тұрмыс тіршілігін күйттеп жатыр.
Осындай азаматтарға ҚР ҚК-нің 43 бабын қолданып, қоғамдық жұмыс түріне тартылып, сотталып жатады. Соның ішінде, сотталған Д.А.К 2023 жылдың сәуір айында ШҚО Өскемен қаласы №2 сотының үкімімен ҚР ҚК-нің 190-шы бабы (алаяқтық) 1 бөлігіне сәйкес 250 сағат қоғамдық жұмыс түріндегі жазасына сотталып, пробациялық бақылау қойылған болатын. Солжағалау аудандық пробация қызметі бөлімінің есебіне 2023 жылдың сәуір айында қойылды. Есепке қойылған уақытында, пробация қызметі есебінен жалтарып, тұрғылықты мекен-жайын хабарламасыз ауыстырып, қоғамдық жұмыс түрін істеуден бас тартты. Осыған орай, сотталғанға қатысты 10.07.2023 жылы ШҚО Өскемен қаласы №2 сотына қылмыс үшін сотталғандарға қоғамдық жұмыстардың орындалмаған төрт сағаты үшін бас бостандығын шектеудің немесе бас бостандығынан айырудың бір күні есебімен бас бостандығын шектеуге не бас бостандығынан айыруға ауыстырылуға ұсыным жіберілді. 19.07.2023 жылы сотталған Д.А.К-қа қатысты ашық сот, яғни сотталғанның пробация қызметінен қашып, жалтарып жүргендігіне байланысты, ҚР ҚПК-нің 478 бабы 4 бөлігі бойынша 476-бабының 1), 3), 6), 7), 8), 10), 13), 14) және 17) тармақтарында көзделген мәселелерді қарау сотталған адамның қатысуынсыз жүзеге асырылып, ұсыным қаралды. Сотталғанның пробация қызметінен жалтырып, сот үкімін орындамай, қоғамдық жұмыс істеуден бас тартқаны үшін Өскемен қаласы №2 сотының қаулысымен сотталған Д.К-ты бас бостандығынан айырудың бір күні есебімен бас бостандығынан айыру туралы ұсыным қанағаттандырылды.
Пробацияның басты мақсаты- сотталған пенделердің екінші қайтара қылмысқа ұрынбай тәртіпті болуы. Бұл біздің қоғамымызда борышымыз деп саналады.
Г.М.Таткенова, ШҚО бойынша ҚАЖД
Солжағалау аудандық
пробация қызметі бөлімі инспекторы
әділет капитаны