Үш мұнай өңдеу зауытының жөндеуге тоқтатылу уақыты жылына 100 күннен асады, деп хабарлайды Azattyq Rýhy тілшісі.
Бұл туралы Президенті жанындағы Орталық коммуникациялар қызметінде өткен жиында Энергетика министрі Болат Ақшолақов мәлімдеді.
«Жылына бір рет үш МӨЗ-дің біреуіне ғана күрделі жөндеу жүргізуді көздейтін бес жылдық кезеңге арналған жөндеу кестесі әзірленді, бұл өндіріс көлемін жылдар бойынша теңестіруге мүмкіндік береді. Ағымдағы жөндеу жұмыстары тек қажет болған жағдайда ғана жүргізіледі. Неғұрлым дайын зауыт – Шымкент МӨЗ-і болып саналады, сондықтан МӨЗ-ге жылдың ортасындағы бағалау нәтижелері бойынша ағымдағы жөндеуді 2022 жылдан 2023 жылға ауыстыру қарастырылуда.
Жөндеу мерзімдерін оңтайландыру бойынша Шымкент МӨЗ-дегі ағымдағы жөндеу мерзімі 2022 жылы 5 күнге қысқартылды, Павлодар мұнай-химия зауытын күрделі жөндеу 2023 жылға ауыстырылды», - дейді министр.