«Үлгілі ене» анықталды

Ең үлгілі ене Алматы облысының Қарасай ауданында тұрады. Аудан мектептерінің бірінде ұстаздық ететін Нұршайым Қосбаеваны мұндай атқа лайық деп облыс­тық ардагерлер кеңесі таныған екен. Облыс бойынша өткізілген енелер сайысында бас жүлдені иеленіп, үздік өнер көрсеткен Нұршайым Қосбаева – екі ұлдың анасы. 30 жылдық ұстаздық тәжірибесі бар ана қос келінін де жақсы тәрбиелеп, шаңырағының тірегі болып отыр.
Алматы облыстық ардагер­лер кеңесінің төрағасы Ардақ Сыдықтың айтуынша, облыстың 19 аудан-қаласын қамти отырып өткізілген енелер сайысының басты мақсаты – отбасының бір­лігін сақтау, халықтың демогра­фиялық өсіміне ықпал ету, ене мен келіннің арасындағы сый­ластықты бекемдеу.
Байқауға қатысушылар ұлт­тық салт-дәстүрді білуден жа­рыс­қа түсіп, өз отбасы, ұл-келін­дері, немерелері туралы баян­дады. Отбасылық тәрбие туралы сұрақтарға жауап беріп, шығар­машылық бейімділіктерін бай­қатты. «Үлгілі ене» байқауында Ақсу, Алакөл, Талғар ауданда­рының қатысушылары да жүл­делі орындарға ие болды.