Теміртау қаласы жабылатын болды
Теміртау қаласы толығымен жабылады. Бүгін көз жұмған Қарағанды тұрғыны Теміртауда нотариус болып жұмыс істеген, - деп хабарлайды Stan.kz ақпарат агенттігі.
Ер адам ауруханаға 30 наурызда ауыр жағдайда, екі жақты пневмония және тыныс алудың жеткіліксіздігі диагнозымен түскен. Терапия нәтиже бермеген. Оның коронавирус жұқтырғаны ол көз жұмғаннан кейін анықталған. Инкубация кезеңінде оның қанша адамға вирусты жұқтырғаны белгісіз. Қазір ол тұрған аймақ қоршауға алынған. Ол байланыста болған 56 адам анықталып, барлығы карантинге жабылды.
«Коронавирустық инфекцияның науқастың өлімімен аяқталуы жағдайын ескере отырып, бірнеше сағат бұрын Теміртау қаласын жабу туралы шешім қабылданды. Теміртау қаласына кірерде үш жол тосқауылдары қойылады», - деді Қарағанды облыстық полиция департаментінің ресми өкілі Жанатай Сембеков.
Өткізу пункттерінде полиция мен әскери қызметкерлер жұмыс істейді. Дезинфекциялаушы заттар мен қорғаныс құралдарынан басқа, олар тамақпен қамтамасыз етіледі. Тек медициналық қызметкерлер, полиция, өрт сөндірушілер, құтқарушылар, ТЖ қызметшілері, әскери қызметкерлер жұмыс орнынан жеке куәліктерді, қызметтік куәліктерді және анықтамаларын ұсынған кезде бақылау пунктінен өте алады.
Айта кетейік, Қарағанды облысында қазіргі уақытта коронавирустық инфекциямен 13 адам тіркелді. Көз жұмған науқас 14-ші болды.
Еске салайық, коронавирустан көз жұмған үшінші қазақстандық 62 жаста болған.
