Тәуелсіздік тарихы сырлы бояумен шертілді

Қазіргі күні Қызылорда қаласында «Тәуелсіздіктің сырлы бояулары» атауымен суретшілер мен мүсіншілердің республикалық симпозиумы өтіп жатыр. Қылқалам шеберлерінің өнер шарасына облыстық мәдениет басқармасы ұйытқы болды.
Оған Астана, Алматы қалалары мен Ақ­төбе, Жамбыл, Қызылорда облыста­ры­нан өкілдер келді. Олардың арасында белгілі суретшілер де бар. Жергілікті жер­ден Қайырбай Зәкіров, Өркен Мамақова жә­не Мұратбай Үмбетов секілді қылқалам шеберлері мен мүсіншілер қатысуда. Сон­дай-ақ Қазақ ұлттық өнер академиясында тә­лім алып жүрген студенттер де өз туын­ды­ларын қалың көпшілікке тарту етпек.
Симпозиумның алғашқы күнінде об­лыс­тық Ә.Тәжібаев атындағы ғылыми-әм­бе­бап кітапханасында өнер иелерінің туын­дысы қойылған көрме ұйым­дас­тырылды. Онда Қазақстанға еңбек сіңірген өнер қайраткері, суретші Қайырбай Зә­кі­ров­тің «Құс жолы» атты кітабының тұсау­ке­сері өтті. Оған өнер иесінің қиялынан туған 50-ден астам туындысы енгізілген.
Симпозиум 1 қазанға дейін жалғасады. Ол уақытқа дейін симпозиумға қаты­су­шы­лар Қызылорда қаласында шығармашылық жұ­мыстарын жүргізеді.