Таразда 15 жастағы жеткіншек 10 жастағы қарындасын өлтірді деп күдіктелуде
Таразда мектеп оқушысының өліміне планшет себеп болуы мүмкін. Таразда қорқынышты қайғылы оқиға болды. 15 жастағы жасөспірім кіші қарындасын өлтірді деген күдікке ілініп отыр. Бұл туралы Stan.kz ақпарат агенттігі КТК арнасына сілтеме жасап.
Оқиғадан бірнеше сағат бұрын көршілердің айтуынша, балаларұрысып қалған. Оған планшет себеп болған. Кейінірек төртінші сынып оқушысы басы жараланған күйінде табылды. Полицияның мәліметінше, бала бұл әрекетін мойындаған.
Қайғылы оқиға Тараздың шетінде болды. Ата-анасы кенеттен 10 жасар қызды таппай қалады. Қыз бала көп ұзамай үйдің жанынан табылды. Жансыз және басы сынған.
Көршілерінің айтуынша, күні бойы төртінші сынып оқушысы мен үлкен ағасы планшет үшін ұрысқан.
"Мен олардың планшетке таласқанын көрдім. Қыз үйден қашып, қарақат ағашының жанына отырды. Ол кезде жаңбыр жауып тұрды, мен оған қолшатыр бердім. Ол одан кейін үйіне кетті. Қайғылы оқиға осы түнде болды", - деді көршісі Шынар Мырзахметова.
Көршілер жасөспірімнің өз қарындасын өлтіргеніне сенбейді. Ағасы қызды тапқанда, оны құшақтап, қатты жылаған. Біраз уақыттан кейін ағасы бұл әрекетті бірден мойындағаны белгілі болды.
Жандос Мамбетқұлов, Тараз қаласының ОП-2 полиция бөлімі басшысының орынбасары:
"Зардап шеккен 10 жасар қыздың денесінде оның өліміне алып келген дене жарақаттары табылды. 15 жастағы күдікті қылмысын мойындады. Көршілері балалар жайлы жақсы мінездеме айтты. Олар жақсы оқыды. Отбасында тағы үш кішкентай баласы бар. Жағдайлары жақсы болған. Планшетті қашықтықтан оқу таратқаны айтылады.
Полиция планшет туралы нұсқаны растамайды, бірақ теріске де шығармайды. Өлімге не себеп болғанын құпия ұстап отыр. Көршілердің айтуынша, қызды балғамен өлтірген. Күдікті жасөспірім қазір оқшаулау изоляторында.
