Талапқа сай келмейтін әскери абақтылар жабылуы мүмкін

Еліміздің Қарулы Күштерінің әскери полиция органдары мен Ұлттық қауіпсіздік комитетіне қарасты абақтылар санитарлық-эпидемиологиялық талаптарға сай емес. Бұған қоса, пенитенциарлық мекемелерде өрт қауіпсіздігі ережелері өрескел бұзылған. Бұл туралы ҚР Бас әскери прокуратурасының баспасөз қызметі хабарлайды.
ҚР Қарулы Күштері әскери полиция және Ұлттық қауіпсіздік комитетінің әс­кери қызметкерлерді тұтқындап ұстау ғимарат­та­рының бекітілген талаптарға сай келмей­тіні төтенше жағдайлар және санитарлық-эпидемиологиялық қада­ға­лау ұйым­да­ры­ның аумақтық органдары мамандарының қатысуымен өткен тексеру барысында белгілі болған. Гауптвахталар қызметінде тек өрт қауіпсіздігі мен тазалық нормалары өрескел бұзылып қана қой­май, ондағы ведомстволық нормативтік-құқықтық актілерде де бірталай заңбұ­зу­шылықтар анықталды. Тексеру нәтижесінде, тиісті ведомство басшыларына шұғыл а­ра­да талаптарға сай келмейтін абақты­лар­дың жұмысын тоқтату туралы ұсыныстар жол­дан­ған. Прокурорлық әрекет ету шарала­рының нәтижесінде, қорғаныс министрінің екі және ҰҚК төрағасының бір бұйрығының күші жойылған деп танылып, қорғаныс министрінің тағы бір бұйрығына өзгерістер енгізілді.