ШҚО-да Қатонқарағай ауданындағы табиғи паркінде шыққан өрт сөндірілді, - деп хабарлайды Massaget.kz тілшісі Шығыс Қазақстан облысы ТЖД баспасөз қызметіне сілтеме жасап.
"Қатонқарағай ауданы Сенное ауылынан 3 шақырым жердегі "Қатонқарағай ұлттық табиғи паркі" РММ Ақсу филиалы (Усть-Язовое орманшылығы, 4 квартал) аумағындағы өрт 2023 жылғы 19 маусымда сағат 12:00-де 15 гектар ауданында сөндірілді", - делінген хабарламада.
Еске салайық, Шығыс Қазақстан облысы Катонқарағай ауданындағы табиғи паркінде өрт шыққанын хабарлаған едік. Ақпаратты облыстық Төтенше жағдайлар департаментінің баспасөз қызметі өкілдері растады. Кейін өрттің оқшаулағаны айтылды.