Сиыр еті деп шошқа етін жеп келіппіз

Қазақстанға Қытайдан сиыр еті деген атаумен шошқа еті әкелініп отырған. Бұл туралы «Қазақстан халал индустриясы» қауымдастығының өкілі Гүлжазира Нұралбаева «Экспресс-К» газетіне берген сұхбатында мәлім етті.
Доңыз етін сиыр етіне ұқсас етіп дайындау үшін оны сиыр етінің қоспасы араластырып жасалған арнайы ері­тіндіде екі сағаттай ұстаса жетеді екен. Егер бұл ері­тін­діге шошқа еті салынса, оның дәмі де, түсі де сиыр­дың етінен еш  айырмашылығы болмай қалатын кө­рі­н­е­ді. Мұны тек генетика деңгейіндегі терең сараптама ға­на анықтай алады. Осылайша «жалған халал» өнім экс­портқа шығарылып отырған. «Қазір бізде Қа­зақ­станға осындай ет әкелініп жатыр деген ақпарат бар. Мұ­ны, негізінен, Алматыдағы кәуап сататын дәмхана мен мейрамханалар сатып алады. Ал ондай өнім ба­зар­да сатыла ма, жоқ па – ол жағы маған белгісіз. Бі­рақ Ал­­матыда арзан кәуап сататын асханалардың кө­бейіп кетуі – осы жалған сиыр етінің әкелінуінен бе? – деп қа­ла­сың», – дейді Г.Нұралбаева. Бір өкініштісі, осы уа­қыт­­қа дейін сиыр еті деп түрлі химикаттармен өң­делген доңыз етін жеп келе жатқанын қазақстан­дық­тар біл­мей­ді екен. Маманның айтуынша, әзірге осындай «жал­ған халал» бойынша қауымдастыққа еш­кім шағымданып келмеген.
Гүлжазира НҰРАЛБАЕВА, «Қазақстан халал индустриясы» қауымдастығының өкілі:
– Сонымен бірге бізге Қытайдан жасанды тауық жұ­мыртқалары әкелініп жатқаны белгілі. Онда же­ла­тиннен басқа табиғи зат жоқ, оның өзіне шош­қа­ның майын қосады. Бұл жасанды жұмыртқаны та­уықтың жұмыртқасынан айыру өте қиын. Осын­дай тауарды шекарада тексеру мүмкін емес, өйткені құ­жат бойынша сиырдың жас еті мен тауықтың жұ­мырт­қасы деп көрсетілген. Ветеринарлық дә­рі­гер­дің өзі арнайы зертхананың көмегінсіз өнімнің та­биғи екендігін анық айта алмайды. Сондықтан бұл мә­селені ертерек қолға алып, кешенді шаралар жүр­гізуіміз қажет.