Ресей Федерациясының Ненец автономиялық округінде Ан-2 ұшағы мұздану салдарынан апатқа ұшырап, екі адам қаза тапты. Бұл туралы ТАСС ақпарат агенттігі жариялады, деп хабарлайды Azattyq Rýhy.
«Мұздану салдарынан Қаратайка кентінен 10 шақырым жерде Ан-2 ұшағы апатқа ұшырады. Ұшақ бортында 12 адам болған, оның екеуі экипаж мүшесі және 10 жолаушы. Екі адам қайтыс болды", - деп жазды агенттік. Төтенше жағдай орнына құтқарушылар келді.
Дереккөздерге сенсек, төрт адам жарақат алған, ал қаза тапқан екі адамның бірі – ұшқыш.