Қазгидромет 23 ақпанда еліміздің басым өңірінде ауа райына байланысты ескерту жарияланды, деп хабарлайды Stan.kz ақпарат агенттігі.
Қызылорда облысының батысында, солтүстігінде түнде және таңертең көктайғақ, тұман түседі. Жел батыстан, солтүстік-батыстан соғады, облыстың солтүстігінде, орталығында 15-20 м/с күтіледі.
Астана қаласында жаяу бұрқасын, көктайғақ болжанады. Оңтүстіктен, оңтүстік-батыстан жел соғады, таңертең және күндіз екпіні 15-20 м/с.
Қарағанды облысының солтүстігінде, шығысында жаяу бұрқасын, көктайғақ күтіледі. Облыстың оңтүстік-шығысында тұман күтіледі. Оңтүстік-батыстан жел соғады, түнде облыстың солтүстігінде екпіні 15-20 м/с, күндіз облыстың басым бөлігінде күші 15-20 м/с күтіледі.
Ұлытау облысының солтүстігінде, шығысында жаяу бұрқасын күтіледі. Облыстың оңтүстігінде көктайғақ күтіледі. Оңтүстіктен, оңтүстік-батыстан жел соғады, облыстың солтүстігінде, шығысында екпіні 15-20 м/с күтіледі.
Атырау облысының солтүстігінде, шығысында жаяу бұрқасын күтіледі. Солтүстік-батыстан жел соғады, облыстың солтүстігінде, шығысында, орталығында 15-20 м/с.
Батыс Қазақстан облысының солтүстігінде, шығысында, орталығында жаяу бұрқасын, көктайғақ күтіледі. Жел солтүстік-батыстан, батыстан соғады, түнде облыстың батысында, күндіз облыстың солтүстігінде, шығысында, орталығында екпіні 15-20 м/с.
Ақтөбе облысының батысында, солтүстігінде, шығысында жаяу бұрқасын күтіледі. Оңтүстік-батыстан, батыстан жел соғады, облыстың батысында, солтүстігінде екпіні 15-20 м/с.
Ақмола облысының солтүстігінде, шығысында, батысында жаяу бұрқасын, көктайғақ, тұман күтіледі. Оңтүстіктен, оңтүстік-батыстан жел соғады, облыстың солтүстігінде, шығысында, батысында екпіні 15-20 м/с күтіледі.
Түркістан облысының таулы және тау бөктерлі аудандарында, күндіз солтүстігінде найзағай күтіледі. Оңтүстік-батыстан жел соғады, облыстың солтүстігінде, батысында, таулы және тау бөктерлі аудандарында күші 15-20, күндіз тау асуларында екпіні 25 м/с.
Шымкент қаласында найзағай жарқылдайды. Оңтүстік-батыстан жел соғады, екпіні 15-20 м/с.
Солтүстік Қазақстан облысының басым бөлігінде түнде қар, күндіз жауын-шашын (жаңбыр, қар) күтіледі. Облыстың солтүстігінде, шығысында көктайғақ күтіледі. Облыстың солтүстігінде, батысында, оңтүстігінде жаяу бұрқасын күтіледі. Оңтүстіктен, оңтүстік-батыстан жел соғады, түнде облыстың солтүстігінде, шығысында, оңтүстігінде күші 15-20 м/с, күндіз облыстың басым бөлігінде күші 15-20 м/с, облыстың оңтүстігінде екпіні 23 м/с.
Қостанай облысының басым бөлігінде қар жауады. Облыстың солтүстігінде, шығысында жаяу бұрқасын болады. Облыстың оңтүстігінде көктайғақ, тұман түседі. Оңтүстік-батыстан жел соғады, екпіні 15-20 м/с.
Павлодар облысының батысында, солтүстігінде бұрқасын, облысының оңтүстігінде, шығысында қөқтайғақ болады. Оңтүстік-батыстан жел соғады, екпіні 15-20 м/с, облыстың оңтүстігінде кей уақыттарда 23 м/с.