Қазақстанда тұрғын үй бағасы қымбаттады

Қазақстанда ақпан айында тұрғын үй бағасы өсті. Бұл туралы Ұлттық статистика бюросы мәлімдеді.

 «2021 жылдың қаңтарымен салыстырғанда ақпан айында абаттандырылған тұрғын үйлерді алып сату бағасы 3,1%-ға, жаңа тұрғын үйлерді сату бағасы 1,2%-ға өсті. Абаттандырылған тұрғын үйді жалға алу төлемі 1,6%-ға жоғарылады», - делінген хабарламада.

Тұрғын үй нарығындағы бағаның өзгеруіне тоқталсақ, өткен жылдың ақпан айымен салыстырғанда қолданыстағы тұрғын үй 20%-ке қымбаттады. Жаңа пәтерлердің бағасы 2020 жылдың ақпанымен салыстырғанда 8%-ке көтерілді.

Сонымен қатар, қолданыстағы тұрғын үйді жалға алу төлемі 1,6%-ке артты, өткен жылдың ақпанына қарағанда өсім – 11,3 %.