Бұл құлпытаста марқұмның министрлікте академик болғаны жазылған. Фото: NUR.KZ.
Кей қабірлерде жастар жерленген. Бірақ қалталы туыстары аянып қалмапты. Елден өзгеше әрі көзге тартымды болуы үшін құлпытасты аққу, аспанға ұмтылған қол, тырна сынды бейнеде қойған. Тіпті, 500 шаршы метр жерде жалғыз адам жерленіп, қалған бөлігін гүлмен көмкергендер де кездесті.
Танымал шенеуніктің ұлы төрт сотық жерде жалғыз жерленіп, сырты осылай толық қоршалған. Фото: NUR.KZ.
Ысырабы көп мазарға періштенің өзі келмейді
Елде белең алған о дүниеліктердің жарысының түпкі мәнін білу үшін ұзақ жылдар дін істер аясында қызмет етіп жүрген сарапшы-маман Мирхат Мадияровтың пікірін білдік.
Мазардың жаңа түрі. Фото: NUR.KZ.
- Бұл тақырыпты қозғап жүргенімізге бірнеше жыл болды, халық арасына түсіндіріп келеміз. Бірақ, баяғы жартас сол жартас. Елдің еті үйреніп кеткен, айтып жатқан уағызды көп ешкім елемейді.
Мазардың жаңа түрі. Фото: NUR.KZ.
Осыған орай, басшылыққа ұсыныс та жасадым. Қала шетінен жаңа жер телімін алып, қорым ашып, қайтыс болған марқұмдарды сол жерге мұсылмандық тәртіппен, ысырапсыз жерлеудің үлгісін көрсету. Яғни, мұсылман елдеріндегідей, Америкадағыдай, барлығына бірдей тас белгі (аты-жөні, туған және қайтқан күні жазылған) қойып, рет-ретімен қою. Тас 50 жылда жерге сіңіп кетіп, сүйек те үгіліп бітетін көрінеді.
Италиялық үлгідегі мазардың жаңа түрі. Фото: NUR.KZ.
Келесі ұрпақ жер іздеп абыра болмайды. Ал, осы қалпымызбен Кеңсай -3, 4, 5 деп кете беретін болсақ, мазардың көлемі қаламен бірдей болады. Әлде, мәдениетті Еуропадан үлгі алып, мәйіт өртейтін крематорий саламыз ба?
Мола басына қойылған марқұмның қолтаңбасы.. Фото: NUR.KZ.
Анау салынған мавзолейде жатқандардың генерал, депутат, ақын, қайраткер, миллионер болғаны жүз жылдан соң, үш-төрт ұрпақтан кейінгілерді қызықтыра ма? Ұсыныстар ауызша қолдағанымен, іс жүзіне асырылмай тұр. Көптеген имам бауырларымыз да осы мәселені айтып шырылдайды.
Кеңсай-2 қорымы. Фото: NUR.KZ.
Қазірде "адам қайтыс болды" деп жедел жәрдемге телефон шалсаң, дәрігер мен полициядан бұрын "жерлеу бюросынанбыз" деп қыз-жігіттер келіп тұрғанын көзім көрді. Яғни, елімізде өлгендерді бизнеске айналдырғандар өте көп. Өткен аптада ғана Кеңсайда жерлеуде болып қайттым. Шыны керек, қорым қалталы қазақтардың бәсекесіне айналған. Ондай жарысты қу кедей емес, ақшасы барлар жасап отыр.
Құлпытастың жаңа түрі. Фото: NUR.KZ.
Бауырларым түсінуі қажет адам өлген соң қызметі, атағы бәрі бекер, о дүниеге өзімен әкете алмайды. Керісінше мұндай әлем-жәлем болған, ысырапшылдыққа жол бергеннің ақыретте сұрауы ауыр. Туыстары - өлгенді осылайша «разы қылдық» деп ойлайтын шығар. Шын мәнісінде ол азаматтың мақсаты ел-жұртқа байлығын көрсетіп масаттану. Зәулім моланың азабын жер қойнауындағы жан бірінші болып тартса, оны жасаған ұрпағы өз кезегінде ахиретте Жаратушының алдында сұралмақ.
Құлпытастың жаңа түрі - жылы жаққа ұшқан тырналар. Фото: NUR.KZ.
Шариғатта үй ішінде адамның, тіпті жан-жануардың суреті мен мүсіндері ашық жерде ілініп тұрса, періште кірмейді делінген. Періште кіре алмаған жерге кімнің үйір болатыны белгілі ғой. Мазарларда да сол жағдай. Бұл мәселеге тоқтау салатын кез келді,- деді Мирхат Мадияров.
Мазардың жаңа түрі. Фото: NUR.KZ.
Өлген әкесінің жерлеуіне 1 млн доллар жұмсаған
- Қазір өлімнің өзі тойдан кем түспейтін болды. Алматылық байшыкеш қайтқан әкесін жер қойнына беру үшін бір млн доллар қаржы жұмсаған.
Саябақ іспеттес бұл жерде марқұмға қойылған ескерткіш. Құлпытастың жаңа түрі. Фото: NUR.KZ.
Әр адам басына 200 доллардан төлеп, қымбат мейрамханаға 1000 адамға қонақасы берген. Алыс өңірдегі туыстарын жерлеуге алдырту үшін чартерлік ұшақ жалдаған, қала берді өлікті қорымға дейін алып жүру үшін қымбат маркалы көліктер жалдады және әкесінің басына аспанмен таласқан кесене тұрғызды.
Кеңсай-2 қорымындағы ең биік күмбез. Фото: NUR.KZ.
Осының барлығы оған бір млн долларға жуық қаражатқа түскен. Сол азамат әкесінің тірі кезінде осынша қаржыға жақсылық жасады ма? Ұшақпен алдыртқан таныстары жерлеу кезінде "костюмым шаң болады" деп марқұмға бір уыс топырақ та салмай, топталып телефон шұқып тұрғанын көрдім. Мұның өзі біздегі жерлеу рәсіміндегі мәдениеттіліктің деңгейін көрсетеді.
Элиталы қорымдардың іші-сырты жасыл желекпен көмкеріліп, арнайы бейне бақылау қойылған. Тіпті кейбірінде қызыл кілем де төселген. Фото: NUR.KZ.
«Өлі разы болмай, тірі байымайды» деген сөзді бізде мәрмәр тастан мазар тұрғызып, асын той етіп өткізу деп санайды. Ал бұл сөздің түпкі мағынасы марқұмның атынан қажылық өтеу, кедей-кепшікке қол ұшын созып, садақа тарату, құран бағыштау. Яғни, сауабы мол амалдар жасап, нағыз мұсылмандығын көрсету, жомарттыққа өнеге болу" деп түсіндірді сарапшы.
Мазарға қойылған есіктердің биіктігінің өзі екі метр, ою-өрнекпен көмкеріліп, қолдан жасалған. Фото: NUR.KZ.
Материал ҚР заңнамасымен қорғалған. Материалдың кез келген бөлігін көшіріп-басу үшін редакцияның жазбаша рұқсатын алу керек!
