Өзен-көлдер тұрақты бақылауға алынды

Алматы облысында селдің алдын алу үшін өзен аңғарларын тазарту, бөгеттерді нығайту мен жағалауларды қоршау жұмыстары жалғасып жатыр. Бүгінге дейін 12 плотина, 20 дамба қалпына келтіріліп, жалпы ұзындығы 27 мың шақырым болатын өзен аңғарлары қоқыстан тазартылды.
Көктемгі су тасқынына қарсы шаралар Алматы облысы әкімінің орынбасары Амандық Баталов басқаратын жұмыс тобы­ның өңірді тікұшақпен бақылауы барысында пысықталды. Төтенше жағдай­ларға жауапты жұмыс тобы Қаратал, Ескелді, Ақсу, Сарқан, Алакөл аудандары мен Талдықорған, Текелі қалаларының аумағын жоғарыдан бақылап шықты. Қызылсу басуы мүмкін бұл өңірлерде сақ­тық шаралары күшейтілген. Тұрғындарға қауіптің алдын алу қажеттігі ескертілді. Осы кезге дейін 30-дан астам бөгет нығай­тылып, 60-қа жуық су өткізу нысанының бойы тазартылған. Өзен арналарында да тазарту жұмыстары жүріп жатыр. Бола қалуы мүмкін апаттар үшін 365 инженерлік техника сайланып қойылған. Алматы облыстық төтенше жағдайлар департаменті «Қазселденқорғау» ММ-нің бөлімше­лері­мен бірге Өссек, Тышқан, Бұрхан, Боро­ху­д­зир, Қора, Текелі, Қапал, Биен, Ақсу, Сар­қан, Басқан, Лепсі, Тентек, Жаманты, Қас­ке­лең, Үлкен және Кіші Алматы, Талғар, Баянкөл, Шелек, Кеген, Текес, Шілік, Қар­қара өзендері мен Есік, Көлсай көлдерін күн сайынғы тұрақты бақылауға алған.