Онколог-радиолог ғалымдар ораза ұстап жүр

Қазақ онкология және радиология ғылыми-зерттеу институты 70 адамға ауызашар берді. Ауыз ашу дастарқанына Алмалы ауданындағы Төле би мешітінің бір топ діни қызметкері келіп, уағыз айтты.
Ғылыми-зерттеу институты қызмет­кер­лері арасында ораза ұстаушылар қатары жылдан-жылға көбейіп келеді. Былтыр 40 адам ауыз бекіткен болса, биыл мұсыл­ман­дық парызын орындаушылар екі есеге жуық көп. Олардың дені – жастар, сондай-ақ Азат Шибанова, Сайын Садықов, Дос­бол Совхатов сияқты медицина ғылы­мы­ның докторлары мен басқа да жасы үлкен дәрігерлер мен мейірбикелер бар. Ауыз­ашарда Төле би мешітінің найб имамы Тайыр­жан Юлдашев, ұстаз Әбдіхалық Рахымов, заңгер Талапқали Жолаевтар қасиетті Рамазан айына қатысты уағыздары мен кеңестерін айтты. Медицина ғылы­мы­ның докторы Райымқұл Қарақұловтың ай­туынша, соңғы кездері жастардың иман­дылыққа жаппай ден қоюы қуантады. Бұл олардың басқа замандастарына да ықпал етіп, жастардың, ең болмағанда, ораза айын­да арақ ішу, темекі шегу сияқты жағым­сыз әдеттерден тыйылуына септігін тигізеді.
Берік ӘДИЕВ, Қазақ онкология және радиология ғылыми-зерттеу институтының еңбекті қорғау және қауіпсіздік жөніндегі инженері