Он алты баланы бауырына басты

Жетімін жылатпаған, жесірін шеттетпеген Алаш баласы едік. Өкінішке қарай, қазір жетімдер үйінде көздері жәутеңдеген қарадомалақтардың қатары күн санап өсуде. Осындайда өз еркімен қараусыз қалған балаларға қамқорлық қылған жандарды естігенде көңіліңді шуақ кернегендей болады...
Бүгінде Ақмола облысы Макинск қала­сының тұрғыны Серік Әкімбаев 40 шақ­ты баланы өз бауырына басқан. Қазір оның үйінде 16 бала тәрбиеленуде. Жетім­нің жайын жанымен түсінген Серік бұл істі 2004 жылы Макинскте балалар үйі жа­был­ғанда қолға алыпты. Содан бері Әкім­бае­в­тар отбасы 40 жетім баланы тәрбие­леп, алдын бөлек отау етіп шығарған.
Серік Әкімбаев, Макинск қаласының тұрғыны:
– «Жердегі бір жетімнің маңдайы­нан сипасаң, жеті періште төбеде разы болып тұрады», – дейді. Өте дұрыс айтыл­ған сөз. Үйде, отбасында ата-ана­ның сезімі болады, тәрбиесін кө­реді, тәлім-тәр­бие алады. Жалпы, қо­ғам­мен қарым-қатынас жасап, от­ба­сының үлгі­сін бойына сіңіреді.
Тоғыз ұлттың баласын бір үйде тоғыс­тыр­ған ардақты жанның бұл ісі ерлікке пара-пар. Қазір балалардың бәрінің қазақша есімдері бар. Тіпті «фамилиямыз Әкімбаев» деп жауап береді олар.
Бірақ Серікті күйзелтетіні – бала­ла­ры­ның үй болғаннан кейінгі жағдайы. Өйткені студент атанып, алды үй болған 10 бала­сы­ның бірі де пәтер кілтін ала алмаған. «Жетімдер үйінен шыққан әрбір баланың шаңырағы болуы керек», – дейді ол.
Әкімбаевтардың бұлардан басқа, өз кіндігінен тараған бес бала және 10 немересі бар. Көңілі көктем, жаны дархан азамат Макинскідегі зағиптар қоғамына да төрағалық етеді.