Мәңгілік двигатель Ақтауда табылды ма?

Ақтаулық өнертапқыш Сәттібай Дүйсенбаев мәңгілік двигатель ойлап таптым деп отыр. Шексіз электр қуатын өндіру үшін бар-жоғы  машина майы керек көрінеді.

«Двигательдің иінді білігіне орнатылған қалақ өзінің салмағынан айналып тұрады. Біліктің бойындағы тісті доңғалаққа оралған шынжыр тізбек беріліс қорабын айналдырады. Нәтижесінде генератор іске қосылып, үздіксіз тоқ береді», – дейді өнертапқыш.
Жаңалығы расталып жатса, данышпанға сөзсіз ай­нал­ғалы тұрған Сәттібайдың мәңгілік двигателі кәдімгі мұ­най соратын құрылғыны еске түсіреді. Ғажайып ма­шина тежегішті жіберген бойда өз бетімен істей береді екен. «Құрастыру бағасы өте арзан. Есептеп көріп едім, 750 мың теңгедей керек. Бір азаматтар жарты баға­сы­на да жасап береміз деп отыр. Бірақ, өкінішке қарай, мен­де ондай ақша жоқ», – дейді өнертапқыш.