«Мак – 2012» – маңызды шешім

Нашақорлық бүгінгі таңда басты заман кеселіне айналғаны ақиқат. Сондықтан онымен аяусыз күрес тәртіп сақшыларымен қатар, барлық қоғам алдындағы үлкен міндет деп білген ләзім. Жақында Қостанай полицейлері «Мак – 2012» шарасы нәтижесінде 23 есірткі қылмысын анықтап, кінәлі азаматтарды темір торға тоғытты.
Есірткі бизнесінің заңсыз айналымына тосқауыл қойып, нашақорлықтың тамы­рына балта шабуға бағытталған бұл опе­рацияға Қостанай полицейлері сақа­дай-сай әзірлік танытты. Күн-түн демей есірткі сатуға құныққан жандардың соңынан шы­рақ алып іздеген олардың жұмысы ақыры күткен нәтижесін де беріп үлгерді.
Қостанай облыстық Ішкі істер депар­та­ментінің баспасөз қызметінің хабар­ла­уынша, Рудный қаласының есірткі биз­несімен күрес бойынша полиция қыз­мет­керлері ірі көлемде нашақор сатумен ай­на­лысқан екі адамды қолға түсірді. Мұ­нымен қоса, есірткіні іш киіміне тығып сат­қан әйел адам да ұсталып, заң алдында жауап­қа тартылды.
Аталмыш шара облыс аумағында қо­ңыр күзге дейін жалғасын табады деп кү­тілуде.