Куәгер мешіт жанынан ұрланған үш жасар қыздың оқиғасын толығырақ айтып берді
Алматы облысындағы Байсерке мештінің қасында ұрланған үш жасар қыз баланың оқиғасына куәгер болған әйел адам мән-жайды толығырақ айтып берді деп хабарлайды Zakon.kz
Ирина Дриганың сөзінше, егістік жақтан баланың айқайлаған даусы шыққанда ол отбасымен үйіне қарай кетіп бара жатқан, тіпті өз көшесіне бұрылып үлгерген екен.
"Біз кішкентай баланың жантүршігерлік даусын естідік. Үйге қайтып келе жатқан менің күйеуім мен көршім ен далаға қарай жүгіріп кетті. Осы кезде сол жерден кетіп бара жатқан ер адамның мүсіні байқалды", - дейді куәгер.
Әйел адам тіпті не болып жатқанын түсініп үлгермеген. Ал қара түнекте олар мешіт жанынан ұрланған қыз балаға тап болған.
Иринаның сөзінше, олар полицейлермен 40 минут бойы байланысқа шыға алмаған. Нәтижесінде көршілері көмекке келіп, олар тәртіп сақшыларына кеткен. Ал Ирина күйеуімен бірге балақайдың ата-аналарын іздеуге көшкен.
Әйелдің сөзінше, 40 минуттан кейін полицейлер келіп, оған дейін бүлдіршіннің ата-анасы да табылған.
ІІД баспасөз-қызметінңі мәліметінше, үш жасан қызды ұрлаған адам қысқа уақыттың ішінде ұсталған.
Еске сала кетейік, бұған дейін Алматы облысындағы мешіт маңында белгісіз ер адам үш жасар қызды ұрлап кеткені хабарланған еді.
