Мемлекеттік емес ұйымдардың коммерциялық негізде халықаралық жүргізуші куәлігін беруі заңсыз, деп мәлімдеді. Бұл туралы ІІМ Әкімшілік полиция комитетіне сілтеме жасап Қазақстан жаңалықтары хабарлайды.
Ведомствоның мұндай түсініктеме берудің себебі интернет желісінде әртүрлі жүргізуші қауымдастықтардың қазақстандықтарға халықаралық жүргізу куәлігін рәсімдеуді ұсынуында.
Хабарламада атап көрсетілгендей, Қазақстанда ішкі істер министрлігі өкілетті орган ретінде жүргізуші куәлігінің үлгісін бекітіп, оны азаматтарға береді.
"Мемлекеттік емес ұйымдардың коммерциялық негізде халықаралық жүргізуші куәлігін беруі заңсыз", - делінген хабарламда.