Елордада жастардың электоралдық белсенділігі туралы баяндама ұсынылды
Қазақстанда жастардың электоралдық белсенділігі артып келеді. Сайлауға қатысатын жастар саны жоғары. Елордада жастардың сайлау процестеріне қатысу белсенділігі туралы талдамалық баяндама ұсынылды. Бұл туралы Azattyq Ruhy astanatv-ға сілтеме жасап хабарлайды.
Құжат шетелдік және отандық тәжірибе негізінде дайындалған. «Бұл талдау - сайлауды жетілдіру жолындағы қадам», дейді ұйымдастырушылар.
«Мұның бәрі болашақта сайлау шынымен де біздің қоғамды өзгертудің демократиялық тетігі болып, айла-шарғы жасау немесе басқа мүдделерді пайдаланбас үшін жасалып отыр. Біз қазір өз құқықтарын білетін, осы құқықтарын жүзеге асыратын жастарды дайындасақ, ертеңгі күні сайлау қоғамымызды демократиялық жолмен дамытатын нақты тетік болмақ», - деді ҚР Президенті жанындағы Мемлекеттік басқару академиясы электоралды оқыту орталығының басшысы Жанар Боқанова.
