20-24 ақпан аралығында Екібастұз қаласындағы мектептер, колледждер мен қосымша білім беру ұйымдарының оқушылары ЖЭО апатының салдарына байланысты қашықтан оқиды деп хабарлайды Stan.kz ақпарат агенттігі.
"Екібастұзжылуэнерго" ЖШС деректері бойынша қалада жылу беру оңтайлы параметрлерге шығарылды, алайда білім беру ұйымдарына үй-жайларды жылыту және қажетті температуралық режимге қол жеткізу үшін уақыт қажет.
"Білім беру ұйымдарында температура мониторингі күн сайын жүргізіледі. Санитарлық нормаларға сәйкес, температуралық режимге жеткен кезде мектептер, колледждер және қосымша білім беру ұйымдары жеке тәртіппен штаттық оқыту режиміне ауыстырылады", – деп атап өтті қаланың білім бөлімі.
Нақтыланғандай, балабақшаларда кезекші топтар жұмыс істейді.