БАҚ: Астанада Мақсат Үсеновтің әкесі құрықталды
Астанада ЭКСПО-2017 құрылысы департаментінің бұрынғы басшысы, Алматыдағы жантүршігерлік жол апатына кінәлі деп танылған Мақсат Үсеновтің әкесі Қажымұрат Үсенов құрықталды.
Бұл туралы «ҚазТАГ»-қа сілтеме жасап NUR.KZ хабарлады.
«Кеше (10 маусымда — ҚазТАГ) Астанада ЭКСПО-2017 құрылысы департаментін басқарған Қажымұрат Үсенов құрықталды. Оның ұлы жантүршігерлік жол апатына кінәлі деп танылғаннан кейін, Үсенов өз еркімен жұмысынан кеткен. Қамауға алудың нақты себебі белгісіз. Алайда ол бір құрылыс компаниясының мүддесіне болысқан деген бейресми ақпар бар. Біреулері Қажымұрат Үсенов ЭКСПО-2017 компаниясына кеңесші ретінде қайта қызметке тұрған деген сыбыс таратқанымен, бұл ақпар ресми расталдмады», — деп мәлімдеді агенттік дереккөзі.
Еске салсақ, Мақсат Үсенов 2013 жылдың 1 желтоқсанында Алматының Қабанбай батыр мен Масанчи көшелерінің қиылысында 23 жастағы Мұрат Қарабалинді көлігімен қағып кеткен болатын.
Зардап шегуші оқиға орнында көз жұмған.
4 ақпанда Алматы әкімшілік соты Мақсат Үсеновті 45 күнге қамауға алу шешімін шығарған болатын. Ал 14 ақпанда Үсенов 15 АЕК (27780 теңге) көлемінде айыппұл төлеуге міндеттеліп, жүргізуші құқығынан 1 жылға айырылған.
Nur.kz
