Ауылдарға аппаратура әпермекші

Ақтөбе облысы  бойынша «Көркейе бер, туған жер!» акциясы басталды. Облыс әкімінің бастамасымен қолға алынған игі шараға  ақтөбелік өнер жұлдыздары және облыс­тық филармония өнерпаздары бірауыздан атсалыспақшы.
Акцияға белсене кіріскендердің ара­сында республикаға танымал белгілі ком­по­зитор Бейбіт Оралұлы, ҚР Мәдениет қай­раткері, күйші Мақсат Тілепберген, халық­аралық «Шабыт» фестивалінің ла­у­реаты, әнші Есет Сәдуақасов,  халық­аралық байқаулардың жүлдегері, биші Асы­­лым Көлеңкеева және «Аққу» би ансамблі бар.  Өнер саласында елге та­нымал жұлдыздар қала, ауылдарды ара­лап, гастрольдік сапармен жолға шықпақ.  Концерттік  сапар Ақтөбе қаласында бас­талып, Мұғалжар, Ембі, Ойыл, Ырғыз және Әйтеке би елді мекендерінде жал­ғасын табады.
Жұлдыздар туған мекенге деген жү­рекжарды сезімі мен ыстық ықыласын жаз­ған сырлы әуендері мен шырқалар ән­де­рімен жеткізіп қана қоймай, өздері туып-өскен  ауылдарына кішкентай болса да шапағаттарын тигізіп кетуді көздеп отыр. Олар концерттен түскен қаржыға әр ауыл­дағы мәдениет ошақтарына қажетті ша­ғын музыкалық аппаратура сатып алып бер­мекші.