Алдағы демалыс күндері еліміздің бірқатар аймақтарында өткінші жаңбыр жауып, найзағай ойнайды. Кей жерлерде бұршақ жаууы ықтимал. Батыс өңірлерде күн ыстық, термометр бағамы 40-43 градусқа дейін барады.
Ал Іле Алатауының маңайында күн суытады. Саида Бердібекова, «Қазгидромет» РМК инженер-синоптигі: - Ертең Алматыда көшпелі бұлтты, кей уақытта жаңбыр жауады. Түнгі температура 15-17 градус, ал күндізгі температура 25-27 градус жылы. Астанада көшпелі бұлтты, кей уақытта жаңбыр жауады, найзағай байқалады. Түнгі температура 10-12 градус, күндіз 19-21 градус жылы болады.