Атыраудағы «әйелдер көтерілісі» аяқталды

«Атырауда әйелдер көтерілісі басталды». Естеріңізде болса, осындай тақырыппен газеттің өткен нөмірлерінің бірінде мақала шыққан болатын.

Тағы бір мәрте қысқаша шолып өтсек, Аты­раудағы су жаңа әйелдер коло­ния­сын­дағы 80 қыз-келіншек қазанның басында шу көтеріп, өздерінің адам төзгісіз жағ­дай­да өмір сүріп жатқандықтарынан хабардар етіп, жұртшылықты дүр көтерген. Бірақ ар­ты­нан мекеме басшылығы журналистерді сот­талған әйелдермен кездестірген кезде бар­лығы да бір ауыздан арыз-шағым­да­ры­нан бас тартты.
Марат ДӘУЛЕТОВ, Атырау облысы бойын­ша қылмыстық-атқару жүйесі депар­та­ментінің бастығы:
– Қазір 259 адам отырған түрмедегі жағ­дай тұрақты. Арызда айтылған де­рек­тер расталған жоқ. Сотталғандардың бізге қояр кінәлары да жоқ. Колонияда ешқандай «көтеріліс» болған жоқ. Ешкім де сотталғандарға зәбір көр­сет­пей­ді. Мұның бәрі – түрме ішінде өз тәр­тіптерін орнатқысы келген сот­та­лу­шылардың тарапынан айтылған жала. Ұйымдастырушылар да белгілі. Аты-жөндерін атамай-ақ қояйын, негізгі «бүлікшінің» саны – үшеу. Біреуі адам­дар­ды тонағаны үшін, ал екеуі ҚР ҚК-нің 259-бабы бойынша (есірткі зат­та­рын тасымалдау, тарату, сақтау) сот­­талғандар. Үшеуі де басқа жақтағы түр­мелерден келген және әр­қай­сы­сы­ның мойнында 20-дан астам құқықбұ­зу­шылық дерегі бар.
Сөйтіп, әйелдердің «кесірінен» проку­ра­тура қызметкерлерінің тексерісіне ұшы­раған Атырау облысы бойынша қыл­мыс­тық-атқару департаментінің қызметінен құзырлы орган құқықбұзушылықты анық­та­мағандықтан, бұл әңгімеге нүкте қойыл­ды.