Әлеуметтік желілерде төртінші сыныпқа арналған әлемді тану жөніндегі қазақстандық оқулықтағы тапсырмаға қатысты дау туды. Борис Сартаев балалардың отбасының кірістері мен шығыстарын, соның ішінде несиелерін жазуы керек екеніне наразы болды. Кейбір желі қолданушылары бұл тапсырмадан ешқандай қателік көрмеген деп жазады KAZ.NUR.KZ.
Бұл туралы жазбаны Нұр-Сұлтан қаласының тұрғыны Facebook парақшасына салған.
Ер адам төртінші сынып оқушыларының тапсырмасында отбасылық бюджетті, яғни балалар өздерінің әкелері мен аналарының кірістері мен шығыстарын, оның ішінде коммуналдық қызметтер, несиелер, тамақ, киім, ойын-сауық пен бензинге кететін шығындары туралы жазуды сұрағанына таң қалған.
Сондай-ақ, оқушылар тапшылықтың бар-жоғын, кірістері тең немесе артық па соған жауап берулері тиіс.
"Оқулық құрастырушылар, сіздер түнде салық комитетінде қосымша жұмыс жасамайсыздар ма? Бұл қандай сұрақтар!!!
Отбасы бюджеті туралы деректерді балалар арқылы алуды шештіңіздер ме?
Мен мұндай оқулықтар мен тапсырмаларға қарсымын. Бұл менің жасыратын бірнәрсем (менің "жоғары" дәрігерлік жалақым) болғаннан емес, штаттағы ҰҚА сияқты балалар арқылы ақпарат жинау заңсыз", - деді ер адам.
Кейбір пікір жазушылар автормен келіспеді.
"Мұнда бір жаман ой болған деп ойламаймын. Балаға кіріс-шығыс сметасының не екенін көрсеткісі келеді. Сандарды ойдан шығарып көрсетуге болады ғой",
"Кез келген сандарды көрсетуге болады ғой. Балаларды бюджетті жоспарлауға үйреткенде тұрған не бар? Бұл өмірде керек болатын сияқты",
"Әке 50000, ана 30000 деп жазыңыз, балаға бюджетті жасау керек, кіріс туралы анықтама ешкім талап етіп отырған жоқ қой. Кішкене логика мен қиял қосыңыз", - деді пікір жазушылар.
Кейінірек астаналық балаларды экономикаға үйретуге қарсы емес екенін, алайда оның ойынша, балалар ата-аналарын тығырыққа тіремес үшін оқулық авторлары тапсырмаларды нақтырақ тұжырымдау керек екенін айтты.