Арыстардың азапты тағдыры ұмытылмайды

Биыл 30-жылдардағы зұлмат ашаршылыққа – 80, саяси қуғын-сүргінге – 75 жыл. Қасіретті жылдар құрбандарын еске алу үшін Алматыда «Асыл арыстардың есімі елдің мәңгі есінде» деп аталатын шара өтті.
400-ден аса адам қатысқан жиында сөз сөйлеген Қазақстан Жазушылар одағы басқармасының төрағасы, ҚР еңбек сіңірген қайраткері Нұрлан Оразалин бұл күнді «тәубенің күні» деп атады. «1930-40 жылдары жасалған қателіктерді ешқашан қайталамауымыз керек. Жазықсыз құр­бан­дарға құран бағыштап, аруақтары ал­дында бас иіп, тағзым етейік. Сол заман­ғы қатыгездердің қылықтары үшін арыс­та­ры­мыздан кешірім сұрауға тиіспіз», – деген Н.Оразалин жастарға деген ақылын өлең жол­дарымен жеткізді. Шарада ашаршылық пен репрессияның тарихы баяндалып, бей­нефильм көрсетілді. Саяси қуғын-сүргін құрбандары ұрпақтарының атынан Қошмұхамбет Кемеңгеровтің немересі Гүлнәр Кемеңгерова сөз сөйлеп, атасының жазып қал­ды­р­ған хаттарын оқып берді.