Алматыдан 220 шақырымда жер сілкінді

Кеше Алматы облысында кезекті жер сілкінісі тіркелді. Мамандардың мәліметінше, магнитудасы 4,1 болатын жерасты дүмпулерінің әсері Алматы қаласы аумағында байқалған жоқ.
«Сейсмологиялық тәжірибе-әдістеме­лік экспедиция» мекемесі мамандарының хабарлауынша, жер сілкінісі Астана уақы­ты бойынша сағат 07:40 шамасында тір­келген. Оның эпицентрі Алматы қаласынан оңтүстік-шығысқа қарай 220 шақырымда, 10 шақырым тереңдікте анықталды. Жер сілкінісінің сол жердегі энергетикалық кла­сы 9,9 болған. Сейсмикалық тербеліс­тердің сезілуі туралы мәлімет жоқ. Сілкі­ністі «Алматы» сейсмологиялық обсерва­тория орталығының жедел операторы ал­ғаш есепке алған. Қазақ ұлттық деректер ор­талығы жариялаған мәлімет сәл бас­қаша. Орталық сілтеме жасаған Ұлттық яд­ролық орталықтың Геофизикалық зерт­теулер институтының мамандары жер сіл­кінісінің магнитудасы 3,6-ға тең және оның эпицентрі 3 шақырым тереңдікте бол­ған деп отыр. Алматы облысында бұ­дан бір тәулік бұрын да жер сілкінісі тір­келген болатын. Магнитудасы 3,4 болатын дүмпулердің ошағы Алматыдан 230 ша­қы­рым жерде анықталды.