"18 ақпан, сенбі күні Алматыда тұман түсіп, қар мен жаңбыр жауып, көктайғақ болады деп күтілуде",- деп мәлімдеді қалалық Төтенше жағдайлар департаментінің баспасөз қызметі.
Құтқарушылар жүргізушілерді жол қозғалысы ережелерін, жылдамдық режимін және қашықтықты сақтауға шақырды.
Жаяу жүргіншілерге тротуарда сақ болып, аса қажеттілік болмаған жағдайда үйден шықпағаны абзал.
Алматы қаласының ТЖД жаяу жүргіншілерге бірқатар кеңес берді:
- есіңізде болсын, қар мен көктайғақ кезінде көлік жүргізу күрт нашарлайды және жүргізушінің көлікті бақылауды жоғалтуы мүмкін, нәтижесінде жаяу жүргіншілерді қағып кету ықтималдығы басым;
- көшелерден жол қозғалысы ережелерімен, белгіленген орындарда өту керек;
- абай болыңыз, жолдан өткен кезде, басқа істерге (ұялы телефонмен сөйлесу және т. б. алаңдамаңыз;
- әрқашан алдыңызға, аяқтың астына қараңыз;
- аяқ киімді дұрыс таңдауға назар аудару керек. Аяқ киім бұдырлы өрнегі бар, тайғанамайтын материалдан жасалған, тегіс табанды болуы тиіс;
- қолыңызды қалтаңызда ұстамаңыз, бұл сізге мұзда тепе-теңдікті сақтауға мүмкіндік бермейді;
– есіңізде болсын, тротуарлар, қалалық көлік аялдамалары, дүкендерге кіре берістегі баспалдақтар, тіпті өз үйіңіздің кіреберісі - адамдар жиі жарақат алып құлайтын жер.
Бұған дейін Қазгидромет синоптиктері 18-20 ақпан аралығындағы ауа райына болжам жасаған еді.