22 қыркүйекке арналған ауа райы болжамы
Бүгін Қазақстанның басым бөлігінде жаңбыр жауып, найзағай ойнайды. Кей жерлерде тұман түсіп, жел күшейді және бұршақ жаууы ықтимал, деп хабарлайды Baq.kz ақпарат агенттігі «Қазгидромет» РМК-ға сілтеме жасап.
Оңтүстік аймақтардың кей жерлерінде шаңды дауыл соғады. Ақмола және Қарағанды облыстарының кей жерлерінде тұман күтіледі, бұршақ жаууы мүмкін.
Қызылорда облысынның кей жерлерінде тұман түсіп, бұршақ жаууы мүмкін. Күндіз кей жерлерде шаңды дауыл соғып,секундына 15-20 метр жылдамдықпен жел соғады.Солтүстік Қазақстан облысының кей жерлерінде жел күшейіп, кей жерлерде бұршақ жаууы мүмкін. Түнде және таңертең тұман түседі.
Қостанай облысында желдің жылдамдығы секундына 15-20 метр болмақ. Түнде және таңертең кей жерлерде тұман болады. Атырауда, Батыс Қазақстан облыстарының кей жерлерінде тұман болады.
Павлодар, Шығыс Қазақстан, Түркістан облыстарының кей жерлерінде жел күтіледі. Қызылорда, Түркістан, Маңғыстау, Жамбыл облыстарының басым бөлігінде, Атырау, Батыс Қазақстан және Қарағанды облыстарының кей жерлерінде жоғары өрт қаупі сақталады.
