2014 жылы АҚТВ инфекциясы 29 баладан анықталды
Қазақстанда былтыр 14 жасқа дейінгі 29 балада АҚТВ-инфекциясы анықталды. Санитариялық-эпидемиологиялық сараптама және мониторинг ғылыми-практикалық орталығының деректерін ҚР Ұлттық экономика министрлігі Статистика комитеті жариялады.
«2014 жылы анықталған АИТВ індетін тасымалдаушылардың саны 2 174 (2013 жылы- 1941 тасымалдаушы анықталды), соның ішінде 14 жасқа дейінгі балалар арасында 29 АҚТВ тасымалдаушылар саны (2013 жылы - 33 тасымалдаушы) анықталды», делінген хабарламада.
2014 жылғы желтоқсанда 2013 жылғы желтоқсанмен салыстырғанда эхинококкозбен (6,2 пайызға) ауырғандар саны өскен және диагнозы алғаш рет қойылған бруцеллезбен (6,8 пайызға) ауырғандар саны азайған. Анықталған АИТВ-жұқпасын тасымалдаушылардың саны 163 оқиғаны (2013 жылғы желтоқсанда - 106) құрады.
Автор: Руслан Ғаббасов
