130 жыл жасаған самауыр – Қарағандыда

Қарағанды аймағында 130 жыл бұрынғы самауыр бар. Бұл жайт Теміртау қаласының өлкетану мұражайы өткізген ашық аспандағы көрмеде мәлім болды.
«Самауыр мен шәйнектер» аталған көрмеге өңірдің түкпір-түкпірінен жиналған самауырлар мен шәйнектер әр жылдардағы тарихтан хабар берді. Соның арасында көрмеге келген көпшілікті елең еткізгені  – 130 жыл бұрын Туладан келген «қа­рия» са­м­ауыр. Самауырдың иесі Ша­хан қаласының тұрғыны  – Әзілхан Төлеу­баев. Ғасыр жарым­ға жуық  «ғұмыр» кешкен самауыр көрмедегі құнды жәді­гер­дің қатарынан табылды. Иесі жез са­мауырдың отбасын­дағы қадірі – алтын­дай ардақты, күмістей салмақты екенін айтады. 130 жылдан бері жасап келе жатқан самауырдың талай тарихтың куәсі екеніне дау жоқ.
Әзілхан Төлеубаев, самауырдың иесі:
– Бұл – анамның сыйы. Отбасымыз­дың ерекше, қадір тұтатын бұйымы. Біз оны отбасымыздың көзіндей ерекше сақтап, қастер тұтамыз. Барлық отба­сы­лық отырысымызда осы самауырдан шай ішуіміз дәстүрге айналған.
Самауырлар шеруінен бөлек, өлкета­ну мұражайы шайға қатысты түрлі байқау­лар ұйымдастырды. Ал мұндай көрме Темір­тауда тұңғыш рет өтіп отыр.