Автобус апатқа ұшырап, 12 адам қаза тапты
Түркияның Йозгат провинциясында жолаушылар автобусы аударылып, 12 адам қаза тапты, сондай-ақ 19 адам жарақат алды, - деп хабарлайды Alashainasy.kz тілшісі Azattyq Ruhy.kz-ке сілтеме жасап.
NTV арнасының хабарлауынша, Сивас – Ыстамбұл бағыты бойынша жүріп келе жатқан автобус жүргізуші Мюкремин қиылысына жақын жерде рөлге ие бола алмай қалған. Соның салдарынан автобус қарсы жолақты кесіп өтіп, 30 метрлік дуалға соғылып, артынша аударылып кеткен.
«11 адам оқиға орнында көз жұмған, ауруханаға жеткізілген тағы бір адамды құтқару мүмкін болмады. Йозгат пен Соргун облыстарындағы ауруханаларға жеткізілген 19 адамның бірінің жағдайы да ауыр екені белгілі болды», - делінген хабарламада.
Оқиға орнында полиция мен жедел жәрдем қызметкерлері жұмыс істеп жатыр.
Соңғы сағатта көп оқылған жаңалықтар осында Massaget.kz
