Ақтөбеде автобус пен екі жеңіл көлік соқтығысып, салдарынан бір адам көз жұмды, - деп хабарлайды Alashainasy.kz. Бұл туралы Sputnik.kz тілшісі "Диапазон"-ға сілтеме жасап жазды.
Қайғылы жол-көлік оқиғасы 20 шілдеде шамамен сағат 19:40-та Қарғалы тұрғын алабында болған.
"Сәтбаев пен Құрғұлов көшелерінің қиылысында автобус пен екі жеңіл көлік, атап айтқанда, "ВАЗ 21074", "Chevrolet Cobalt" және "ПАЗ-32053" көліктері соқтығысқан. Жол апаты салдарынан "ВАЗ 21074" көлігінің жолаушысы алған жарақатынан ауруханада көз жұмды", - делінген хабарламада.
Аталған факті бойынша Қылмыстық кодекстің 345-бабы 3-бөлігімен ("Абайсызда адам өліміне әкеп соққан жол қозғалысы ережелерінің бұзылуы") сотқа дейінгі тергеу басталды.
Соңғы сағатта көп оқылған жаңалықтар осында Massaget.kz