Алматыда балақайды қағып, ойын алаңына соғылды
Алматыда тұрғын үй кешені ауласында жылдамдықпен келе жатқан көлік баланы қағып кетті, - деп хабарлайды Alashainasy.kz тілшісі Tengrinews.kz-ке сілтеме жасап.
Куәгерлердің айтуынша, оқиға Алма-сити-5 шағынауданында болған.
Видео әлеуметтік желіде тарап кетті.
Кадрларға қарағанда, жүргізуші алдымен жолдың қарсы бетінен жүгіріп шыққан баланы қағып, кейін ойын алаңына соғылған.
Оқиға кезінде алаңда басқа балалар болмаған.
Алматы қалалық Полиция департаменті бұл жол-көлік оқиғасы 20 мамырда сағат 18:30 шамасында "Алма Сити" шағынауданында болғанын хабарлады.
Daewoo көлігінің жүргізушісі ауламен батыс бағытта келе жатып, 7 жастағы баланы қағып кеткен. Бала дене жарақаттарымен қалалық ауруханалардың біріне жеткізілген.
"ЖКО дерегін Наурызбай аудандық Полиция басқармасының қызметкерлері тергеп жатыр", - деді Алматы қалалық ПД баспасөз қызметі өкілдері.
