Жағымды музыканың шипасы дәрігердің көмегімен тең

Музыка жүрек қызметін жақ­сартып, талмасы бар науқас­тардың жазылып кетуін тездете алады. Сербиялық ғалымдар «сүйікті әуендердің шипасы дәрі­гердің көмегімен тең» деп отыр.

                                                                                                meddaily.ru

Музыканың емдік қасиеті бұрыннан да айтылып жүр. Бірақ Ниш университетінің кардиологтері мұны тәжірибе жүзінде тағы бір растады. Мeddaily.ru-дың хабарлауынша, жүрегі ауыратын 74 адам үш топқа бөлін­ген, алғашқы топ үш апта бойы гимнастикамен айналысты, екінші топ гимнастикамен бірге сүйікті әуендерін тыңдауға уақыт бөлді, ал үшінші топ тек қана музыка тыңдаумен әуестенді. Зерттеудің нәтижесінде үш топтың да қан айналым жүйесі қызметі мен ауруға төзімділігі бірдей 20-40%-ға жақсарғаны белгілі бол­ды. Ғалымдардың айтуынша, сүйікті әуендерді тыңда­ған кезде ми эндорфиндерден (химиялық қосынды­лар) арылады, сөйтіп, қан тамырларының жұмысы жақсарады. Жүрек ауруынан айығу үшін көңілді инст­ру­менталды классикалық музыка тыңдаған жөн екен.