Шоқжұлдыздардың қатары көбейетін болды

Халықаралық астрономдар қауымдастығы зодиак белгілерін 13-ке көбейтуді ұсынып отыр. Жаңа шоқжұлдызға Жыланұстар (Змееносец) деген атау берілді.
Америкалық астроном Парке Кан­кл­­дың айтуынша, 12 шоқжұлдыз­дан тұра­тын астрологиялық жүйе Ежелгі Вавилон дәуірінде жасалған. Оның негізгі қағи­дасы бойынша, Күн адам­ның туған кү­нін­дегі шоқжұлдызда орналасуы керек. Бірақ жүзжылдық ішінде Жер қозғалысы орбитасының өзгеруіне сәйкес, бұл жүйе де толық­тырылуы қажет. Жаңа зо­диак белгісі қарашаның 30-ы мен жел­тоқсанның 17-сі аралығын қамтиды. Демек, Мерген және Тауешкі белгісіндегі адамдарға өзге шоқжұлдыз нышандарына бейімделуге тура келеді. Астрологтердің мәліметінше, жаңа шоқжұлдызға жататындар төзімді, тәуекелшіл, жаңашыл және көріпкел келеді.