Қытайда жыныстық дағдарыс басталды

Қытай тұрғындарының 34%-ы жыныстық өміріне риза емес. Қытай коммуникация орталығы мен Шанхай әлеуметтік ғылымдар академия­сының зерттеушілері елде секс-дағдарыс басталғанын жария етті.
Xinhua агенттігінің хабарлауынша, сарапшылар жүргізген әлеуметтік зерт­теуге 15 пен 55 жас аралығындағы 3000-нан астам адам қатысқан. Олардың арасында ерлер де, әйелдер де бар. Сауал­намаға жауап бергендердің 34%-ы жыныстық қарым-қатынастан ләззат ала алмай жүргенін, 32%-ы пәлендей риза емес екенін, 6,5%-ы, тіпті наразы екенін айтқан. Зерттеуге қатысушылардың 23%-ы ғана сексуалды өміріне қанағатта­натынын білдірген. Бұған қоса, қытай­лық­тардың көбі секспен өте аз айналы­сатын болыпты. Сарапшылардың ай­туын­ша, миллиардтан асатын халқы бар ел үшін бұл – дабыл қағатын жайт. Қытай андрология қоғамының президенті Цзян Хуэйдің айтуынша, азаматтардың жы­ныс­тық өмірі сапасының нашарлауы қарқынды экономикалық дамудың әсері. Өндірісті өркендетуден туындайтын әлеуметтік қысым ел тұрғындарына кері әсер етіп отыр.