Мысықта мың түрлі ғажап қасиет бар

Ғалымдар мысықтардың таңға­лар­лық қасиеттерінің бар­лығын анықта­ды. Олар адамдарды инсульт­тан, буын қабынуынан және арте­риос­­к­ле­роз ауруларынан емдей алады.
Бәрімізге белгілі, мысықтар қожайындарына тек жағымды эмоция сыйлайды. Бірақ ресейлік ғалымдар олардың нақты қандай қасиеттері мен пайдалы жақтары барын анықтау үшін зерттеу жұмыстарын жүргіз­ген. «Нәтижесі тіптен қарапайым болып шықты» деп хабарлайды со­бесед­ник.ру порталы. Мысықтардың жанында адамдар жайба­ра­қат­та­нып, бір сәтке қуанышқа кенеле алады. Ол эмоциялар есеңгіреуден сақ­­тап, ағза жұмысын бір қалыпқа келтіреді және жабығудан құтқарады. Ма­мандардың айтуынша, мысықтар адам денсаулығына плацебо сын­ды әсер береді. Плацебо (лат. placebo — сауығамын) – қандай да бір дәрі деп та­­ға­­йындалатын зиянсыз препарат. Дәрігерлердің пайым­дауын­ша, мы­сықтар инсультқа, буын қабынуына және артериосклероз ауруларына шал­дыққан науқастарды емдеуге көмектесе алады. Бірақ емдеуден олар­ға еш зиян келмейді. Сол себепті ғалымдар мен ақ халат­тылар үй­де мысықтың болуы дұрыс деп отыр.