Көп жүрген адам көп жасайды екен

Ұзақ отырған адам өз өмірін қысқарта түседі. 167 мың адамның статистикалық мәліметіне жүргізілген талдау нәтижесінде осындай тұжырым жасалды.
British Medical Journal журналын­да жарияланған материал мәлімет­теріне қарағанда, ғалымдар адам­ның өмір сүру ұзақтығы мен оның қозғалмауы арасында байланыс барын анықтаған. Зерттеуге 167 000 адамның 2005-2009 жылдар аралы­ғын­дағы медициналық көр­сет­кіштері негіз болды. Күніне бір жерде үш сағаттан көп отырмай­тын адамның ғұмыры екі жылға дейін ұзарады екен. Ал теледидарды екі сағаттан артық қарамайтын адам 1,4 жылға ұзақ өмір сүреді. Ұзақ отырудың өмірді қысқарту қаупі 27%-ға, теледидар қараудың қаупі 19%-ға тең болып шықты. Ғалым­дар көп жасау үшін белсенді өмір салтын ұстануға кеңес береді.