Ғалымдар Жерде қанша жыл өмір қалғанын есептеп шығарды

Жер шарындағы тіршілік әлі 1,75 млрд жылға жетеді. Мұны Шығыс Англия университетінің ғалымдары компьютерлік модельдеу әдісі бойынша анықтады.
«РИА Новости»-дің хабар­лауын­ша, Эндрю Рашби есімді ғалым бастаған топ ғаламшар­лық жүйенің компьютерлік моделін жасап, соның негізінде Жердегі өмірдің таусылатын уақытын болжады. Олар Жерге түсетін Күн сәулесінің сапасын тіршілік ұзақ­тығының басты өлшемі ретінде алды. Ғалым­дар­дың айтуынша, қазіргі ғы­лыми мәлімет бойынша ғалам­шарымызға 4,54 млрд жыл болса, ондағы тіршілікке шама­мен осының төрттен бірі – 1,75 млрд жыл қалды. Тіршілік Күн­нің әсерінен Жер бетіндегі судың түгел буланып кетуі салдарынан жойы­луы мүмкін. «Мұндай зерт­теулер бізге өзге ғаламшар­ларда тір­шілікті да­мы­ту қанша­лықты мүмкін бола­тынын бағалауға жол ашады. Жерде тіршілік орнаған уақыт­тың 75%-ы адамның пайда болуына жұмсалғанын ескер­сек, енді өзге ғаламшарларда да өмірдің сол эволюциямен қалып­тасуы әбден мүмкін», – дейді Э.Рашби.