Фамилиясы күрделі адамдар табысты бола бермейді

Табысты болудың бір құпиясы – адамның фамилиясында. Мельбурн университеті жанындағы Психология мектебі ғалымдарының пікірінше, адамның тегін білдіретін атаудың оңай айтылуы оның қызмет пен кәсіби саладағы жетістіктеріне себепші болады.
News.com.au порталының ха­барлауынша, Саймон Лэхам бас­таған психологтер тобы ондаған адамның фамилиясы мен олардың кәсіби жетістіктерін саралаған. Зерттеудің нәтижесінде фамилия­сының дыбысталуы қиын адам­дардың қызметте көптеген кедер­гілерге тап болатыны дәлелденген. Ал Дженкинсон, Бенсон сияқты оңай айтылатын «әдемі» фами­лиясы бар адамдар еңбекте та­бысты болып шыққан. «Мұндай сәйкестік әсіресе мұғалімдер ара­сында байқалып отыр. Тіпті сирек кездесетін фамилияның өзі жеңіл айтылатын болса, мұның өзі оның иесіне зор табыс әкеледі», – дейді С.Лэхам.