Ет жемейтін мысық пайда болды

Ұлыбританияда Данте атты үй мысығының ет жемейтіні анықталды. Жергілікті ветеринарлар вегетариан мысықтың денсаулығына алаңдаулы.
21 жастағы Беки Пэйдж көшеден иесіз мы­сық тауып алып, үйіне әкеледі. Ашыққан болар деп, оған піскен ет берсе, мысық жемей қояды. Бірақ кейін асүйдегі көкөністерді көріп, бірден бас салыпты. Пэйдждің айтуынша, мысық орам­жа­пырақ, қарбыз бен бананды сүйіп жейді екен. Есесіне, тышқан аулау ойына кіріп шықпайтын көрінеді. Және көкөніс пен жеміс-жидек арасына білдірмей ет не балық қосып берсе, мысық бәрібір «өзіне керегін» ғана жейді екен. Британдық ма­ман­дардың сөзіне қарағанда, етті аз жеген жағ­дай­да жыртқыш тұқымдастардың көзі нашар кө­ре­тін болады. Бірақ Дантеден мұндай кемшілік бай­қала қоймаған.